ஆறுமுகன் தொண்டமான் கொழும்பில் காலமானார்

2000 ஆம் ஆண்டு சந்திரிகாவின் பொதுஜன ஐக்கிய முன்னணி அரசாங்கத்தில் முதன் முதலலாக அமைச்சராகப் பதவியேற்ற ஆறுமுகன் தொண்டமான், 2015 ஆண்டு ஜனவரி மாதம் வரை அமைச்சராகப் பதவி வகித்திருந்தார்.

மைத்திரி- ரணில் அரசாங்கம் 2015 ஆம் ஆண்டு ஜனவரி மாதம் எட்டாம் திகதி பதவியேற்றதும் எதிர்க்கட்சி உறுப்பினராக இருந்தார். பின்னர், 2019 ஆம் ஆண்டு நவம்பர் மாதம் 19 ஆம் திகதி கோட்டாபய ராஜபக்ச ஜனாதிபதியாகப் பதவியேற்ற பின்னர் அமைக்கப்பட்ட அரசாங்கத்தில் தோட்ட உட்கட்டமைப்பு அமைச்சராகப் பதவி ஏற்றார்.

தொண்டமானின் பூதவுடல் நாடாளுமன்ற சப மண்டபத்தில் வைக்கப்படுமென அரசாங்கம் அறிவித்துள்ளது. இறுதிச் சடங்குகள் பற்றிய விபரங்கள் நாளை புதன்கிழமை அறிவிக்கப்படுமென அமைச்சின் செயலாளர் கூறியுள்ளார்.

1964 ஆம் ஆண்டு மே மாதம் 29 ஆம் திகதி பிறந்த அவருக்கு எதிர்வரும் 29 ஆம் திகதி 57 வயது. புpறந்தநாள் கொண்டாட்டங்களுக்கான ஏற்பாட்டை தொழிலாளர் காங்கிரஸ் உறுப்பினர்கள் தயார்படுத்திக் கொண்டிருந்த நிலையில் மூன்று நாட்களுக்கு முன்னதாகவே அவர் இன்று காலமானார்.

ஈழத் தமிழர்களின் ஆயுதப் போராட்டத்திற்கு மதிப்புக் கொடுத்திருந்த ஆறுமுகன் தொண்டமான், தமிழ்த் தலைமைகளோடு நல்லுறவையும் பேணி வந்தார்.