கொழும்பு பல்கலைக்கழக வேந்தர் நியமனம்? கோட்டாபாயவை சாடுகிறார் முருத்தெட்டுவே ஆனந்த தேரர்

ஆகவே வேந்தராகப் பதவி வகிப்பதற்குத் தனக்கு தகுதி இருக்கிறதா இல்லையா என்பதைப் பற்றி ஜனாதிபதியிடமே கேட்க வேண்டுமென முருத்தெட்டுவே ஆனந்த தேரர் கூறினார்.

வேந்தராக நியமனம் செய்வதற்கு முன்னர் தன்னுடன் கலந்தாலோசிக்கப்படவில்லை எனவும் நியமனம் பற்றித் தனக்கு எதுவுமே தெரியாதென்றும் தேரர் கூறினார்.

கோட்டாபயவை ஜனாதிபதிக் கதிரையில் அமர்த்துவதற்காக 2016 ஆம் ஆண்டில் இருந்து கடுமையாக உழைத்த தேரர் நாரஹேன்பிட்டி அபயராம விகாரை மண்டபத்தையும் அதற்காகப் பயன்படுத்தியிருந்தார்.

ஆனால் கடந்த சில மாதங்களாக கோட்டாபய ராஜபக்சவின் செயற்பாடுகளில் அதிருப்தியடைந்த நிலையில், அரசாங்கத்தைக் காரசாரமாக விமர்சித்த தேரர், ஆட்சி மாற்றம் ஒன்றை ஏற்படுத்தவுள்ளதாகவும் எச்சரிக்கை விடுத்திருந்தார்.

இந்த நிலையிலேயே கொழும்புப் பல்கலைக்கழக வேந்தர் நியமனம் தேரருக்கு வழங்கப்பட்டுள்ளது. ஆனால் பதவியேற்கப் போவதில்லையென தேரர் பகிரங்கமாகக் கூறியுள்ளார்.