நிரல்
ஜூன் 29 22:33

ஜனாதிபதி இராணுவ ஆட்சி நடத்துவதாக ஐக்கியதேசியக் கட்சி குற்றச்சாட்டு

(வவுனியா, ஈழம்) ஜனாதிபதியாகப் பதவியேற்ற கடந்த ஏழு மாதங்களிலேயே இலங்கையில் இராணுவ ஆட்சியை கோட்டாபய ராஜபக்ச உருவாக்கியுள்ளதாக ஐக்கியதேசியக் கட்சியின் முன்னாள் நாடாளுமன்ற உறுப்பினர் பாலிதரங்கே பண்டார குற்றம் சுமத்தியுள்ளார். இந்த இராணுவ ஆட்சி தொடர்பாகத் தங்போது மக்களுக்கு விளக்கமளித்து வருவதாகவும் கொழும்பில் உள்ள வெளிநாட்டுத் தூதரகங்கள் அவதானித்து வருவதாகவும் அவர் கூறினார். கொழும்பில் உள்ள கட்சித் தலைமையகத்தல் இன்று திங்கட்கிழமை இடம்பெற்ற செய்தியாளர் சந்திப்பில் கருத்து வெளியிட்ட அவர், சுயாதீனமாகச் செயற்பட வேண்டிய இலங்கைச் சுயாதீன ஆணைக்குழுவின் செயற்பாடுகளில் அரசியல் தலையீடுகள் இருப்பதாகவும் தெரிவித்தார்.
ஜூன் 26 12:57

வரலாற்றுப் பாடநூல்களில் பௌத்த சமயத்திணிப்பும் பல்கலைக்கழகத் தமிழ்ச் சமூகத்தின் கவனயீனமும்

(யாழ்ப்பாணம், ஈழம்) இலங்கை ஒற்றையாட்சி அரசின் கீழான இலங்கைத் தேசியம் என்பதற்குள், ஈழத்தமிழர்களையும் இணைத்துவிட வேண்டுமென்ற நோக்கம் 2009ஆம் ஆண்டு மே மாதத்தின் பின்னரான சூழலில், சிங்கள அரசியல் கட்சிகளிடையே மேலோங்கி வருகின்றது. இதன் உச்சத்தை 2015ஆம் ஆண்டு மைத்தரி- ரணில் அரசாங்கத்தில் காணமுடிந்தது. இலங்கைத் தேசியத்தை மையமாகக் கொண்டு தமிழ்த்தேசிய அரசியல் நீக்கத்துக்கான முதற்கட்ட ஏற்பாடாகவே ஜெனீவா மனித உரிமைச் சபையில் நிறைவேற்றப்பட்ட இலங்கை தொடர்பான பிரேரணைக்கு இலங்கை அரசாங்கம் இணை அனுசரனை வழங்கியிருந்தது. தமிழ்த்தேசியக் கூட்டமைப்பு அதற்கு ஒத்துழைப்பும் கொடுத்திருந்தது. 
ஜூன் 24 22:16

நாடாளுமன்றத் தேர்தலைக் கண்காணிக்க இந்தியா தவிர்ந்த தெற்காசிய நாடுகளின் பிரதிநிதிகள் வருவர்

(வவுனியா, ஈழம்) நடைபெறவுள்ள இலங்கை ஒற்றையாட்சி அரசின் நாடாளுமன்றத் தேர்தலைக் கண்காணிப்பதற்காக சர்வதேசக் கண்காணிப்பாளர்களை வரவழைப்பது தொடர்பாக இலங்கைச் சுயாதீனதட் தேர்தல்கள் ஆணைக்குழு கவனம் செலுத்தியுள்ளது. கொரோனா வைரஸ் தாக்கம் தொடர்பான இலங்கைச் சுகாதார அமைச்சின் அறிவறுத்தல்களுக்கு அமைவாக சர்வதேசக் கண்காணிப்பாளர்களை வரவழைப்பதென ஏற்கனவே திர்மானம் எடுக்கப்பட்டிருந்தது. ஆனாலும் இந்தியா மற்றும் ஐரோப்பிய நாடுகளில் கொரோனா வைரஸ் பரவல் இன்னமும் முழுமையான கட்டுப்பாட்டுக்குள் வரவில்லையென்பதால் இந்தியா தவிர்ந்த ஏனைய தெற்காசிய நாடுகளில் இருந்து கண்காணிப்பாளர்களை வரவழைப்பது குறித்து Nணைக்குழுவின் தலைவர் மகிந்த தேசப்பிரிய ஆலோசித்துள்ளார்.
ஜூன் 23 22:07

நாடாளுமன்றம் கலைக்கப்பட்ட நிலையில் பணம் அச்சிட உத்திரவிடும் அதிகாரம் ஜனாதிபதிக்கு உண்டா?

(வவுனியா, ஈழம்) இலங்கைக்குக் கிடைத்த நிதியுதவிகள் தொடர்பாக ஜனாதிபதி கோட்டாபய ராஜபக்ச உரிய பதில் வழங்க வேண்டுமென எதிர்க்கட்சிகள் வலியுறுத்தியுள்ளன. நாடாளுமன்றம் மூன்று மாதங்களுக்கு மேலாகக் கூட்டப்படாத நிலையில். கிடைத்த நிதியுதவிகளின் அளவுகளுக்கு ஏற்ப எவ்வாறு பணம் அச்சிடப்பட்டது என்பது குறித்து ஏற்கனவே எழுப்பப்பட்ட கேள்விகளுக்கு அரசாங்கம் உரிய பதில் வழங்கவில்லை என்றும் எதிர்க்கட்சி வேட்பாளர்களான சுஜீவ சேனசிங்க, அனுரகுமார திஸாநாயக்க ஆகியோர் குற்றம் சுமத்தியுள்ளனர்.
ஜூன் 21 21:22

மாகாண சபைகளைக் கைவிட ராஜபக்ச அரசாங்கம் ஆலோசனை

(வவுனியா, ஈழம்) இனப்பிரச்சினைக்குத் தீர்வாகக் கொண்டுவரப்பட்ட மாகாண சபை முறையை இலங்கை அரசாங்கம் கைவிடக் கூடிய நிலை இருப்பதாகக் கொழும்பு உயர்மட்ட அரசியல் தகவல்கள் கூறுகின்றன. கடந்த இரண்டு வருடங்களாக வடக்குக்- கிழக்கு மாகாண சபைகள் உள்ளிட்ட அனைத்து மாகாண சபைகளுக்குமான தேர்தல் நடத்தப்படவில்லை. இது சட்டச் சிக்கலை ஏற்படுத்துமென இலங்கைச் சுயாதீனத் தேர்தல்கள் ஆணைக்குழுவின் தலைவர் மகிந்த தேசப்பிரிய ஏற்கனவே கூறியிருந்தார். ஆனால் அது தொடர்பாகப் பிரதான சிங்கள அரசியல் கட்சிகள் எதுவுமே கருத்தில் எடுக்கவிலலையெனக் கூறப்படுகின்றது.
ஜூன் 19 13:39

மேற்குலகை நம்பிய இரு பிரதான சிங்களக் கட்சிகளும் இன்று பிளவுபட்டுக் கிடக்கும் அவலம்

(யாழ்ப்பாணம், ஈழம்) குறிப்பிட்ட நாடொன்றில் அமெரிக்கா தலையிட வேண்டுமெனக் கருதினால், அந்த நாட்டில் ஏதேனும் பிரச்சினையேற்படும்போது. அங்கு உதவி செய்வதாகக் கூறிக்கொண்டு அமெரிக்கா நுழைந்துவிடுமென நவோமி க்ளீன் என்ற கனேடிய எழுத்தாளர் எழுதிய த ஷொக் டொக்ரின் (The Shock Doctrine) என்ற நூலில் கூறுகிறார். அதாவது உதவி என்ற பெயரில் ஒரு நாட்டில் வாழும் இனங்களிடையே குழப்பங்கள், முரண்பாடுகள் உருவாக்கப்பட்டு அது ஆயுத மோதலாகக் கூட மாறிவிடலாம் என்பது ஒன்று, மற்றையது அந்த நாட்டில் உள்ள பிரதான அரசியல் கட்சிகள் பிளவுபடுவது அல்லது புதிய கட்சிகள் உருவாகுவது போன்றவற்றைக் குறிக்ககுமென அர்த்தப்படுத்தலாம்.
ஜூன் 18 21:18

பாதிக்கப்பட்ட தொழிலாளர்கள், அரச ஊழியர்களுக்கு நிவாரணங்கள் இல்லை- எதிர்க்கட்சிகள் குற்றச்சாட்டு

(வவுனியா, ஈழம்) கொரானா வைரஸ் தாக்கதிதினால் ஏற்பட்ட முடக்கநிலையினால் தொழில் நடவடிக்கைகளை இழந்து வருமானம் இன்றிச் சிரமமப்பட்ட தொழிலாளர்களின் குடும்பங்கள் மற்றும் பாதிக்கப்பட்ட மக்களுக்கு அரசாங்கம் உதவியளிக்கவில்லை என்று கோட்டாபய ராஜபக்ச அரசாங்கம் எதிர்கட்சிகள் குற்றம் சுமத்தியுள்ளன. குடும்பம் ஒன்றுக்கு ஐயாயிரம் ரூபா வழங்கப்பட்டபோதும், அனைத்துக் குடும்பங்களுக்கும் அந்த உதவித் தொகை வழங்கப்படவில்லை ஐயாயிரம் ரூபா போதுமானதல்ல என்றும் ஐக்கிய தேசியக் கட்சி, ஜே.வி.பி, ஆகிய கட்சிள் குற்றம் சுமத்தியுள்ளன.
ஜூன் 16 23:49

ரணில் சஜித் மோதல்- கொழும்பு நீதிமன்ற அறிவிப்பும் வெளியாகவுள்ளது

(வவுனியா, ஈழம்) ஐக்கிய தேசியக் கட்சியில் இருந்து பிரிந்து ஐக்கிய மக்கள் சக்தி என்ற புதிய அரசியல் அணி ஒன்றை உருவாக்கிய சஜித் பிரேமதாச, ரணில் விக்கிரமசிங்கவோடு கடுமையாக வாக்குவாதப்படுவதாகக் கட்சித் தகவல்கள் கூறுகின்றன. ஐக்கிய மக்கள் சக்தி அணியில் தொலைபேசிச் சின்னத்தில் போட்டியிடவிருந்த மங்கள சமரவீர உள்ளிட்ட சிலப் போட்டியில் இருந்து விலகிக் கொண்டமைக்கு ரணில் விக்கிரமசிங்கவே காரணம் என உள்ளகத் தகவல்கள் கூறுகின்றன. இந்த நிலையில் சஜித் பிரேமதாச உள்ளிட்ட 99 உறுப்பினர்களை இடைநிறுத்த ஐக்கிய தேசியக் கட்சி எடுத்த முடிவுக்கு தடை உத்தரவு பிறப்பிக்க வேண்டுமா இல்லையா என்பது குறித்த அறிவிப்பு எதிர்வரும் 22ஆம் திகதி வெளியிடப்படவுள்ளது.
ஜூன் 14 23:48

வவுனியாவில் வாள்வெட்டு ஒரே குடும்பத்தைச் சேர்ந்த ஐவர் காயம்

(வவுனியா, ஈழம்) வுடக்குக் கிழக்குத் தாயகப் பிரதேசங்களில் இளைஞர்களிடையே வன்முறைக் காலச்சாரத்தை இலங்கை இராணுவம் திட்டதிட்டுத் தூண்டிவிடுவதாக ஏற்கனவே குற்றச்சாட்டுக்கள் முன்வைக்கப்பட்டுள்ள நிலையில். தொடர்ச்சியாக அங்காங்கே வாள் வெட்டுகள். ஆடிதடி மோதல்கள் தொடர்ச்சியாக இடம்பெற்று வருகின்றன. இவ்வாறானதொரு நிலையில் வடமாகாணம் வவுனியா மகாறம்பைக்குளம் பிரதேசத்தில் வீடு ஒன்றுக்குள் புகுந்து நடத்தப்பட்ட வாள்வெட்டு தாக்குதலில் ஒரே குடும்பத்தைச் சேர்ந்த ஐந்துபேர் படுகாயமடைந்துள்ளனர். காயமடைந்தவர்களை அயலவர்கள் வவுனியா வைத்தியசாலையில் அனுமதித்துள்ளனர்.
ஜூன் 12 22:56

தேர்தல் பிரச்சாரத்தில் அரச வளங்கள் துஸ்பிரயோகம்- ஆணைக்குழுவிடம் முறைப்பாடு

(வவுனியா, ஈழம்) ஒற்றையாட்சி அரசின் இலங்கை நாடாளுமன்றத் தேர்தல் பிரச்சார நடவடிக்கைகளின்போது அமைச்சர்கள், முன்னாள் அமைச்சர்கள், முன்னாள் நாடாளுமன்ற உறுப்பினர்கள் பலர் அரச சொத்துக்களை பயன்படுத்துவதாக தேர்தல் கண்காணிப்பில் ஈடுபடும் அரசசார்பற்ற நிறுவனங்கள் குற்றம் சுமத்தியுள்ளன. அரச திணைக்களங்கள். அரச கூட்டுத்தாபனங்கள் ஆகியவற்றுக்குச் சொந்தமான வாகனங்கள், தளபாடங்கள், மண்டபங்கள் அனுமதியின்றிப் பயன்படுத்தப்படுவதாகவும் தற்போது காபாந்து அமைச்சரவையில் உள்ள அமைச்சர்கள் பலர் இவ்வாறு அரச வளங்களைத் துஸ்பிரயோகம் செய்வதாகவும் தேசிய சமாதானப் பேரவை, மாற்றுக் கொள்கை மையம் ஆகிய நிறுவனங்கள் குற்றம் சுமத்தியுள்ளன.