திருகோணமலை சீனக்குடாவில் உள்ள எண்ணெய்த் தாங்கிகள் இந்திய அரசின் உதவியுடன் அபிவிருத்தி

இதற்கான ஒப்பந்தம் ஒன்றும் செய்யப்பட்டுள்ளது. ஏனைய 69 எண்ணெய்த் தாங்கிகளையும், இலங்கையில் உள்ள இந்தியன் எண்ணெய்க் கம்பனி பயன்படுத்தவுள்ளது.

ஆனால், இலங்கை அமைச்சரவையின் தீர்மானத்துக்கு ஏற்ப பயன்பாட்டுக்காலம் தீர்மானிக்கப்படும் என அமைச்சர் ராஜித சேனரட்ன கூறியுள்ளார்.

இந்தியன் எண்ணெய்க் கம்பனி தற்போது பயன்படுத்தி வரும் 15 கீழ் நிலை எண்ணெய்த் தாங்கிகளின் உரிமை தொடர்ந்தும் இலங்கை அரசாங்கத்தின் கட்டுப்பாட்டில் இருக்கும் என்றும் அதற்கான உடனபடிக்கையும் விரைவில் கைச்சாத்தாகும் என்றும் இலங்கை பெற்றோலியக் கூட்டுத்தாபனம் தெரிவித்துள்ளது.

திருகோணமலை நகரில் இருந்து ஏழு கிலோ மீற்றர் துாதரத்தில் அமைந்துள்ள சீன்க்குடா பிரதேசத்தில் இலங்கைக் கடற்படையின் விமான நிலையம் ஒன்றும் அமைந்துள்ளது.

மூன்று இந்தியக் கடற்படைப் போர்க் கலங்கள் இலங்கைக் கடற்படையுடன் திருகோணமலையில் கடந்த மாதம் ஆறாம் திகதியில் இருந்து 13ம்திகதி வரை SLINEX-2018 என்ற இணைப் பயிற்சியில் ஈடுபட்டிருந்தன.

அமெரிக்காவும், ஜப்பானும் கடந்த ஓகஸ்ட் மாதம் இதேபோன்ற இணைப் பயிற்சிகளை இலங்கைக் கடற்படையுடன் திருமலையில் மேற்கொண்டிருந்தன.

திருகோணமலையின் கடல் பகுதியை மையப்படுத்திய எண்ணெய் மற்றும் எரிவாயு வளங்கள் பற்றிய ஆய்வு நடவடிக்கைகள் இந்த மாதம் இரண்டாம் திகதி ஆரம்பமாகியுள்ளன. பனாமா நாட்டுக் கொடியுடன் இயங்கும் BGP Pioneer என்ற ஆய்வுக் கப்பல் ஒன்றும் திருகோணமலைக்கு வந்துள்ளது.

இந்த நிலையில் திருகோணமலை சீனக்குடாவில் உள்ள எண்ணெய்த் தாங்கிகள் இந்திய அரசின் உதவியுடன் அபிவிருத்தி செய்யப்படவுள்ளமை குறிப்பிடத்தக்கது.

இறுதிப் போருக்கு உதவியளித்த இந்தியா, அமெரிக்கா. ஜப்பான் ஆகிய நாடுகள் 2009 ஆம் ஆண்டு மே மாதத்திற்குப் பின்னரான சூழலில் இலங்கையில் சீன அரசின் அதிக்கத்தைக் கட்டுப்படுத்துவதாகக் கூறிக் கொண்டு ஈழத் தமிழர்களின் கடற்பிரதேசங்களில் செல்வாக்குச் செலுத்தி வருகின்றது.

அதுவும் மைத்திரி- ரணில் ஆட்சியின்போதுதான் அதிகளவு செல்வாக்குச் செலுத்தப்பட்டுள்ளதாக அவதானிகள் கூறுகின்றனர்.

இந்த நிலைமையானது ஈழத் தமிழர்களின் இறைமைக்கு மாத்திரமல்ல இலங்கைத் தீவின் இறைமைக்கே ஆபத்து எனவும் அவதானிகள் கூறுகின்றனர்.