துப்பாக்கிகளையும் யுத்த டாங்கிகளையும் பயன்படுத்தாமல் இடம்பெற்ற சதிப்புரட்சி - தூதுவர்களுக்கு சபாநாயகர் கடிதம்

துப்பாக்கிகளையும் யுத்த டாங்கிகளையும் பயன்படுத்தாமல் இடம்பெற்ற சதிப்புரட்சி என்றும் சபாநாயகர் கரு ஜயசூரிய அந்தக் கடிதத்தில் விபரித்துள்ளார். அந்தக் கடிதத்தில் கூறப்பட்டுள்ளதாக ரொய்ட்டர் செய்திச் சேவை தொிவித்துள்ளது.

மஹிந்தவை பிரதமராக்குவது என்ற செயற்பாடுகள் அனைத்தும் முன்கூட்டியே திட்டமிடப்பட்டிருந்ததாகவும் சபாநாயகர் கூறியுள்ளார்.

அதேவேளை, பிரதமராகப் பதவியேற்குமாறு மைத்திரிபால சிறிசேன தன்னைக் கேட்டதாக ஐக்கிய தேசியக் கட்சியின் பிரதித் தலைவர் சஜித் பிரேமதாச தொிவித்துள்ளார். கொழும்பில் இன்று புதன்கிழமை இடம்பெற்ற செய்தியாளர் மாநாட்டில் அவர் இவ்வாறு கூறியுள்ளார்.

பிரதமராகப் பதவியேற்குமாறு மைத்திரிபால சிறிசேன தன்னையும் கேட்டதாக ஐக்கிய தேசியக் கட்சியின் மூத்த உறுப்பினரும் சபாநாயகருமான கருஜயசூரியவும் கூறியுள்ளார்.

பிரதமர் பதவியை ஏற்குமாறு இருவரையும் தான் கேட்டதாக மைத்திரிபால சிறிசேன கடந்த திங்கட்கிழமை கொழும்பு பத்தரமுல்லையில் இடம்பெற்ற கூட்டத்தில் உரையாற்றும்போது கூறியிருந்தார்.

இதற்கு சஜித் பிரேமதாச, கரு ஜயசூரிய ஆகியோர் பதிலளிக்கும்போது இவ்வாறு தெரிவித்துள்ளனர்.

ரணில் விக்கிரமசிங்கவுக்குப் பயந்தே இருவரும் பிரதமர் பதவியை இருவரும் ஏற்கவில்லை என்றும் மைத்திரிபால சிறிசேன கூறியிருந்தார்.

இதற்குப் பதலளித்த சஜித் பிரேமதாச ரணில் விக்கிரமசிங்கவுக்குப் பயந்து பிரதமர் பதவியை ஏற்காமல் விடவில்லை என்றும் கொள்கை அடிப்படையிலேயே பிரதமர் பதவியை ஏற்க மறுத்ததாகவும் கூறினார்.

சபாநாயகர் கரு ஜயசூரியவும் அவ்வாறே தெரிவித்துள்ளமை குறிப்பிடத்தக்கது.