இராணுவத்திற்கு மரியாதை செய்வதன் மூலமே இலங்கையின் தேசியப் பாதுகாப்பை உறுதிப்படுத்த முடியும் என்றும் கோட்டாபய ராஜபக்ச கூறினார். பெரும் திரளான மக்கள் முன்னிலையில் உரையாற்றிய கோட்டாபய ராஜபக்ச, தேர்தலில் வெற்றி பெறுவது உறுதியென்றும் கூறினார்.
மகிந்த ராஜபக்ச உள்ளிட்ட முக்கிய உறுப்பினர்கள் இந்தக் கூட்டத்தில் கலந்துகொண்டனர். ஸ்ரீலங்கா சுதந்திரக் கட்சி கோட்டாபய ராஜபக்சவுக்கு ஆதரவு வழங்க முன்வந்தமை தொடர்பாக கூட்டத்தில் உரையாற்றிய மகிந்த ராஜபக்ச பாராட்டினார்.
அதேவேளை, ஜனாதிபதி மைத்திரிபால சிறிசேன ஸ்ரீலங்கா சுதந்திரக் கட்சியின் தலைமைப் பதவியில் இருந்து விலகியுள்ளார். ஜனாதிபதித் தேர்தலில் கோட்டாபய ராஜபக்சவுக்கு ஸ்ரீலங்கா சுதந்திரக் கட்சி ஆதரவு வழங்கவுள்ளதாக கட்சியின் மத்திய குழு முடிவெடுத்துள்ளது.
இதனால் அதிருப்தியடைந்த நிலையில் கட்சியின் தலைமைப் பதவியில் இருந்து விலகியுள்ளதாக உள்ளகத் தகவல்கள் கூறுகின்றன. ஆனால் கட்சியில் இருந்து விலகியுள்ளதாக மைத்திரிபால சிறிசேன அதிகாரபூர்வமாக அறிவிக்கவில்லை.
இலங்கை ஒற்றையாட்சி அரசின் ஜனாதிபதித் தேர்தல் எதிர்வரும் நவம்பர் மாதம் 16 ஆம் திகதி நடைபெறவுள்ளமை குறிப்பிடத்தக்கது.