இலங்கைக்குத் தொடர்ந்து உதவியளிக்க அமெரிக்கா உறுதி

பொருளாதார நெருக்கடியினால் ஏற்பட்ட அரசியல் சூழல் காரணமாக ஜனாதிபதியாகப் பதவியேற்றுள்ள ரணில் விக்கிரமசிங்கவை டொனால்ட் லூ பாராட்டினார். சமகால அரசியல் மற்றும் பொருளாதார நிலைமைகள் குறித்து இருவரும் உரையாடியுள்ளனர்.

ஆனாலும் இருவரும் பேசிய விடயங்கள் ஊடகங்களுக்குத் தெரிவிக்கப்படவில்லை.

ரணில் விக்கிரமசிங்கவைச் சந்திக்க முன்னதாக, டொனால்ட் லூ வெளிவிவகார அமைச்சர் அலி சப்ரியையும் சந்தித்தார்.

இச் சந்திப்பில் கொழும்பில் உள்ள அமெரிக்கத் தூதுவர் ஜூலி சங் (Julie Chung) மற்றும் அரசியல் மற்றும் பொருளாதார ஆலோசகர் சூசன் வோல்கே (Susan Walke) ஆகியோரும் கலந்துகொண்டனர்.

அதேவேளை தமிழ்த்தேசியக் கூட்டமைப்பைச் சந்திப்பதற்கான ஏற்பாடுகள் இருப்பதாகத் தெரியவில்லை.