மைத்திரி- ரணில் அரசாங்கத்தைக் கண்டிக்கும் சுலோக அட்டைகளையும் கைகளில் ஏந்தியிருந்தனர். இலங்கை ஒற்றையாட்சி அரசியலமைப்பில் உள்ள பயங்கரவாதத் தடைச் சட்டத்தை நீக்குமாறும் போராட்டத்தில் ஈடுபட்டவர்கள் கோஷமிட்டனர்.
அனுராதபுரம் சிறைச்சாலையில் எட்டாவது நாளாகவும் தமிழ் அரசியல் கைதிகள் உண்ணாவிரத போராட்டத்தில் ஈடுபட்டுள்ளனர். அதற்கு ஆதரவாக கொழும்பு வெலிக்கடை, மகசீன் சிறைச்சாலைகளிலும் உண்ணாவிரதப் போராட்டம் ஆரம்பிக்கப்பட்டுள்ளது.
இதற்கு ஆதரவாக இன்று யாழ்ப்பாணத்தில் இடம்பெற்ற கவனயீர்ப்புப் போராட்டத்தில் அரசியல் கைதிகளின் உறவினர்கள். பொதுமக்கள் என பலரும் பங்குபற்றினர்.
அனுராதபுரம் உள்ளிட்ட தென்பகுதி மற்றும் ஏனைய பிரதேசங்களில் உள்ள சிறைச்சாலைகளில் நீண்டகாலமாக தடுத்து வைக்கப்பட்டுள்ள தமிழ் அரசியல் கைதிகளின் விடுதலை தொடர்பாக மைத்திரி- ரணில் அரசாங்கம் இதுவரை உரிய நடவடிக்கை எடுக்கவில்லையென கொழும்பில் உள்ள மனித உரிமை அமைப்புகள் ஏலவே குற்றம் சுமத்தியிருந்தன.
இதேவேளை. தமிழ் அரசியல் கைதிகளின் உண்ணாவிரத போராட்டம் தொடர்பாக மைத்திரி- ரணில் அரசாங்கம் இதுவரை எதுவும் கூறவில்லையென கொழும்புச் செய்தியாளர்கள் கூறுகின்றனர்.