செய்தி: நிரல்
டிச. 17 11:41

அடுத்த ஆண்டுக்கான இடைக்கால வரவு செலவுத் திட்டம் 26 ஆம் திகதி நாடாளுமன்றத்தில் - எரான் விக்ரமரத்ன தகவல்

(கிளிநொச்சி, ஈழம்) இலங்கையில் இரு பிரதான சிங்கள அரசியல் கட்சிகளின் தலைவர்களிடையே ஏற்பட்ட அதிகாரப் போட்டியினால் கடந்த 50 நாட்களாக நிலவிவந்த அரசியல் நெருக்கடி, ரணில் விக்கிரமசிங்க நேற்று ஞாயிற்றுக்கிழமை பதவியேற்புடன் சற்றுக் குறைவடைந்துள்ளது. இந்த நிலையில் எதிர்வரும் 26 ஆம் திகதி அடுத்த ஆண்டுக்கான இடைக்கால வரவு செலவுத் திட்டத்தை இலங்கை நாடாளுமன்றத்தில் சமர்ப்பிக்கவுள்ளதுடன் 2019 ஆம் ஆண்டுக்கான வரவு செலவுத் திட்டம் ஜனவரி மாதத்தின் முதல் வாரத்தில் நாடாளுமன்றத்திற்கு சமா்ப்பிக்கப்படும் என ஐக்கிய தேசிய கட்சியின் நாடாளுமன்ற உறுப்பினர் எரான் விக்ரமரத்ன தெரிவித்துள்ளார்.
டிச. 17 10:46

யாழ்ப்பாணத்தில் தொடரும் அட்டகாசம் - கலட்டி பகுதியில் வீட்டின் மீது பெற்றோல் குண்டுவீச்சு - பொருட்கள் தீக்கிரை

(யாழ்ப்பாணம், ஈழம்) யாழ்ப்பாணம் - கலட்டி பகுதியில் அடையாளந் தெரியாதோரால் நேற்று ஞாயிற்றுக்கிழமை இரவு பெற்றோல் குண்டுத் தாக்குதல் நடத்தப்பட்டுள்ளது. இதன்போது தாக்குதல் நடத்தப்பட்ட வீடு பகுதியளவில் சேதமடைந்துள்ளதாகவும், எனினும் எவரும் சம்பவத்தில் காயமடையவில்லை எனவும் யாழ்ப்பாணப் பொலிஸார் தெரிவித்தனர். நேற்றிரவு 9 மணியளவில் 2 மோட்டார் சைக்கிளில் வந்த அடையாளந்தெரியாத நபர்கள் குறித்த வீட்டின் மீது பெற்றோல் குண்டுகளை வீசியதுடன் வீட்டின் பிரதான கதவையும் அடித்து நொருக்கியதாக பிரதேச மக்கள் கூர்மை செய்தித் தளத்திற்கு சுட்டிக்காட்டினர்.
டிச. 16 16:36

சிங்களப் பேரினவாதத்திற்குத் துணைபோகும் கம்பன் கழகம் - மண்டபம் வழங்க கொழும்புத் தமிழ்ச் சங்கம் மறுப்பு

(முல்லைத்தீவு, ஈழம்) சொல்விற்பனம் என்ற தலைப்பில் கொழும்புக் கம்பன் கழகம் எதிர்வரும் 22 ஆம் திகதி சனிக்கிழமை நடத்தவிருந்த பட்டிமன்றத்திற்கு மண்டபம் வழங்குவதில்லையென வெள்ளவத்தையில் உள்ள கொழும்புத் தமிழ்ச் சங்கம் தீர்மானித்துள்ளது. இன்று ஞாயிற்றுக்கிழமை சங்கத்தின் விநோதன் மண்டபத்தில் நடைபெற்ற சங்க ஆட்சிக்குழுக் கூட்டத்தில் ஏகமனதாக தீர்மானம் நிறைவேற்றப்பட்டுள்ளது. கட்சி அரசியல் கூட்டம் ஒன்றை கம்பன் கழகம் சொல்விற்பனம் என்ற தலைப்பில் சங்கத்தின் மண்டபத்தில் நடத்தவுள்ளதாகவும் ஏன் அனுமதி வழங்கப்பட்டது எனவும் ஆட்சிக்குழு உறுப்பினர், பத்திரிகையாளர் அ.நிக்ஸன், சங்கத்தின் தலைவர் சட்டத்தரணி இராஜகுலேந்திராவிடம் கேள்வி எழுப்பினார். இதன்போது சட்டத்தரணி காண்டீபன் கம்பன் கழகம் நடத்தவுள்ள பட்டடிமன்றத்திற்கு கண்டனம் தெரிவித்தார்.
டிச. 16 11:08

ஐந்தாவது தடவையாக இலங்கையின் பிரதமராகப் பதவியேற்றார் ரணில் விக்கிரமசிங்க

(மன்னார், ஈழம்) இலங்கை ஒற்றையாட்சி அரசாங்கத்தின் பிரதமராக ஐக்கிய தேசியக் கட்சியின் தலைவர் ரணில் விக்கிரமசிங்க இன்று ஞாயிற்றுக்கிழமை மீண்டும் பதவிப்பிரமாணம் செய்துள்ளார். இன்று ஞாயிற்றுக்கிழமை முற்பகல் 11.16க்கு இலங்கை ஜனாதிபதி மைத்திரிபால சிறிசேன முன்னிலையில் தனது பதவியைப் ரணில் பொறுப்பேற்றுக்கொண்டதாக ஜனாதிபதி செயலகம் அறிவித்துள்ளது.
டிச. 15 20:52

யாழ்ப்பாணத்தில் பொலிஸார் அராஜகம் - மனித உரிமை ஆணைக்குழுவில் 31 முறைப்பாடுகள் பதிவு

(யாழ்ப்பாணம், ஈழம்) ஈழத்தமிழ் மக்கள் காலங்காலமாக இலங்கை அரச படையினராலும் அவர்களது கைக்கூலிகளாலும் சித்திரவதைகள் மற்றும் உயிர் அச்சுறுத்தல்களுக்கு உள்ளாக்கப்பட்டு காணாமல் ஆக்கப்பட்டுள்ள நிலையில் இன அழிப்பு போரின் பின்னரான தற்போதைய காலகட்டத்தில் தமிழர் தாயகப் பகுதிகளில் பொலிஸரின் அராஜகம் அதிகரித்துள்ளதாக மக்கள் விசனம் வெளியிட்டுவரும் நிலையில், 2018 ஆம் ஆண்டின் இதுவரையான 12 மாத காலப்பகுதியில் பொலிஸாரால் சித்திரவதைக்கு உட்படுத்தப்பட்டதாக 31 முறைப்பாடுகள் கிடைக்கப்பெற்றுள்ளதாக, இலங்கை மனித உரிமை ஆணைக்குழுவின் யாழ்ப்பாண பிராந்திய இணைப்பாளர் த.கனகராஜ் தெரிவித்துள்ளார்.