ஏப். 06 02:26
(சென்னை, தமிழ்நாடு)
இந்திய ஒன்றியத்தின் நாடாளுமன்றத் தேர்தலுக்கான காலம் நெருங்கி வரும் வேளையில், இந்திய ஒன்றிய அளவில் கலைஞர்கள், படைப்பாளிகள், ஆராய்ச்சியாளர்கள் என பல்வேறு துறைகளைச் சார்ந்தோரின் பாஜக அரசாங்கத்திற்கு எதிரான கூட்டறிக்கைகள் வெளியாகி வருகிறது. 150ற்கும் மேற்பட்ட விஞ்ஞானிகள், 100ற்கும் மேற்பட்ட இந்திய திரைப்பட இயக்குநர்கள், 200ற்கும் மேற்பட்ட எழுத்தாளர்கள், 700ற்கும் மேற்பட்ட திரைக்கலைஞர்கள் என இதுவரை பலத்தரப்பினரும் "ஜனநாயகம் காப்போம், பாஜகவிற்கு வாக்களிக்காதீர்கள்" என இந்திய ஒன்றிய மக்களுக்கு வேண்டுகோள் விடுத்துள்ளனர். எதிர்ப்புகளை சமாளிக்க, அதிலிருந்து மீள 'பாகிஸ்தான் தாக்குதல்', 'தீவிரவாதிகள்', 'இந்திய ஒற்றுமை', 'அறிவியல் சாதனைகள்' என தொடர்ந்தும் பரப்புரைகளை மேற்கொண்டு வருகின்றனர் பாஜகவினர்.